La Concurrenza svizra da musica per la ginventetgna è vegnida creada l'onn 1975 sin iniziativa da Gerd Albrecht, il schefdirigent da l'orchester da la Tonhalle Turitg da lez temp. Durant 24 onns ha la societad da la Tonhalle Turitg organisà la concurrenza en collavuraziun cun l'Associaziun svizra da las scolas da musica, da la Societad svizra da pedagogia musicala e da la Giuventetgna Musicala Svizra.
Ils 14 da december 1999 è vegnida constutuida a Berna la fundaziun da dretg privat Concurrenza svizra da musica per giuventetgna.

La tschertga da talents e la promoziun da la musica en general eran ed èn era vinavant duas pitgas impurtantas da la fundaziun.
La direcziun da la fundaziun stat en la cumpetenza dal cussegl da fundaziun per fatgs finanzial-strategics resp. d'ina cumissiun spezialisada per fatgs artistic-organisatoris. Las incumbensas en connex cun la fundaziun e la concurrenza vegnan ademplidas dal secretariat a Turitg en collavuraziun cun il cussegl da fundaziun e la cumissiun spezialisada.

La suletta concurrenza da musica annuala e naziunala da questa dimensiun è averta per tut ils amaturs giuvenils dad 8 fin 20 onns. Ils singuls instruments vegnan resguardads en in turnus da dus onns en la concurrenza da solo resp. da duo u d'ensemble.
Las concurrenzas regiunalas han lieu mintgamai il mars en tschintg fin otg differents lieus en tut la Svizra. Tut las primpremiadas e tut ils primpremiads da las concurrenzas regiunalas pon sa participar a la concurrenza finala, che ha lieu mintg'onn l'emprima mesadad da matg en lieus alternants.

Full Version of the website is avaible in DE - FR - IT